بس خيالج من اغمض يترس العين ويطوف
عندي لهفة عشگ مثل البحر بيه تغرگ سفن ويحيطه خوف
عندي شوگ ونبض مجنون ينفس عطر صدرچ اخ من عطر الچفوف
صرخة المشتاگ سكته تفتح اجروحه الغميجه وابد متبعده الظروف
يا عذابي ويا غرامي وياحروفي الفارگتها عيون عميا وما تشوف
رجعت البسمه بوجودچ وحتفل گلبي وياگلبج بالحقيقه وبالطيوف
چان يسكر بالحزن واحلامه ظلمه مايعرف الگمر عايش بالكسوف
ضمي روحي مثل ماي النهر من يحتاج يغفا ينام ما بين الجروف
هاشم الفرطوسي
ليست هناك تعليقات:
إرسال تعليق